भाटवाडी (ता. वाळवा, जि. सांगली) येथील तलावाकाठी शिकारीच्या उद्देशाने काही संशयित लोक वन्यप्राणी शिकारीच्या उद्देशाने फिरत असलेची माहिती वनविभागास मिळाली. सदर माहिती मिळताच महंतेश म. बगले, वनक्षेत्रपाल शिराळा, अजितकुमार पाटील मानद वन्यजीव रक्षक सांगली यांचे मार्गदर्शनाखाली दिपाली सागावकर, अनिल पाटील कायम वनमजूर हे तात्काळ घटनास्थळी पोहोचले.
घटनास्थळी चारचाकी गाडीतून पळून जाणेच्या तयारीत असलेल्या लोकांना मोटारीसह अडवून गाडीचा तपास घेतला असता, आसनाखाली लपवून ठेवलेला वन्यप्राणी उदमांजर (इंडियन स्मॉल सिवेट) आढळला. टोळीतील ६ संशयीत आरोपींना ताब्यात घेतले व असून त्यांच्याकडील मृत उद मांजरसह वाघर, विजेरी, अल्टो चार चाकी आणि १ दुचाकी गाडी इत्यादी मुद्देमाल जप्त करणेत आला.
कोणत्याही टिप्पण्या नाहीत:
टिप्पणी पोस्ट करा